Indiaအနောက်မြောက်ပိုင်း Uttarakhanပြည်နယ်ရဲ့ မြို့တော် Dehradunနဲ့ ကီလိုမီတာ ၅၀ ဝေးတဲ့ Kalsiရွာလေးမှာ အသောကပဓာနကျောက်ဆောင်စာ ရှိတယ်။ ဒီနေရာလေးကို သွားဖို့ အာရုံရနေတာ အတော် ကြာပြီ။ Google Mapပေါ်ကနေ ဝေ့ဝိုက်ပြီး ကြည့်နေဖြစ်တာ အကြိမ်ပေါင်း မနည်းတော့ဘူး။ ယမုနာမြစ်တစ်ကြောမှာ အသောကကျောက်စာတွေ အတော် တွေ့ရတယ်။ မြစ်ဖျားပိုင်းမှာ Kalsiကျောက်စာ၊ မြစ်လယ်ပိုင်းမှာ Topraကျောက်စာတိုင်၊ Meerutကျောက်စာတိုင်၊ Dehil-Bahapurကျောက်စာ၊ မြစ်ဆုံးပိုင်းမှာ Allahabad-Kosamကျောက်စာတိုင်တွေပါ။ အကြောင်းညီညွတ်မှပဲ Kalsiကို ရောက်ဖြစ်တော့တယ်။ ရွာလေးရဲ့ ဈေးလမ်းမပေါ်က လမ်းညွှန်ဆိုင်းဘုတ်ကိုသာ မတွေ့ရင် ရွာလည်နေအုံးမှာ။ တောင်ရိုးက ညိုံ့ညို့  ဆောင်းဦးက အေးအေး နေခြည်က နုနု ကျောက်စာတိုက်လေးက ငြိမ်ငြိမ် ဟိမဝန္တာတောင်ခြေပိုင်း Doonတောင်ကြားက Kalsiရွာနားမှာ စီးဆင်းနေတဲ့ ယမုနာမြစ်ရဲ့ အနောက်ဘက်ကမ်းမှာ ရှိနေတဲ့ အရှည် ၁၀ပေ၊ အမြင့် ၁၀ပေ၊ အထု ၈ပေရှိတဲ့ ကျောက်တုံးကြီးကို ၁၈၆၀မှာ ရှာတွေ့ခဲ့တယ်။ ၁၉၂၀မှာ ကျောက်စာတိုက် ဆောက်လုပ်ခဲ့ပြီး Archeological Survey of Indiaက စောင့်ရှောက်ထားတယ်။ ကျောက်တုံးကြီးရဲ့ အရှေ့ဘက်နဲ့ ဘယ်ဘက်ခြမ်းတွေမှာ ကျောက်စာတွေကို ရေးထိုးထားတယ်။ ညာဘက်ခြမ်းမှာတော့ ဆင်ရုပ်နဲ့ အခြေမှာ “ဂဇတမ”လို့ ရေးထွင်းထားတယ်။ A. Cunninghamရဲ့ Inscriptions of Asokaစာအုပ်ထဲမှာ ပါတဲ့ ကျောက်စာမူတွေကို ဒီနေရာက ရတယ်။ မြန်မာနဲ့ အင်္ဂလိပ်ဘာသာပြန်အချို့ကို ဖတ်လို့ရအောင် အသောကခြေရာမှာ လမ်းကြောင်းတွေ ပေးထားတယ်။ ယမုနာမြစ်ဖျားက ဒီနေရာလေးကို ရောက်ဖြစ်ခဲ့တာ တကယ့်ကို ကြည်နူးမိတယ်။ အသောကကျောက်စာတွေကို လေ့လာရင်း အသောကခြေရာနောက်လိုက်ရတာ အတော့်ကို အရသာရှိတယ်။ ဇမ္ဗူဒိပ်မှာ အသောကခြေရာချထားခဲ့တာတွေက များလှတော့…